ҚАУІПСІЗДІК САБАҚТАРЫ
2026–2027 оқу жылында «Қауіпсіздік сабақтары» жобасының мазмұны Қазақстан Республикасы Үкіметінің 2026 жылғы 29 қаңтардағы № 56 қаулысымен бекітілген «Қазақстан балалары» тұжырымдамасын іске асыру жөніндегі іс-қимыл жоспарының 35-тармағына сәйкес өзектендірілді.
Жоба мектепке дейінгі ұйымдардың тәрбиеленушілеріне, орта білім беру ұйымдарының 1–11-сынып оқушыларына, сондай-ақ техникалық және кәсіптік білім беру ұйымдарының білім алушыларына арналған.
Мақсаты: тәрбиеленушілер мен білім алушылардың түрлі өмірлік жағдайларда өмірі мен денсаулығын сақтауға бағытталған қауіпсіз әрі жауапты мінез-құлық мәдениетін қалыптастыру.
Жоба мазмұнына қазіргі заманғы өзекті қауіп-қатерлер енгізілді: кибербуллинг, онлайн-груминг, фишинг және алаяқтық, жасанды интеллект және дипфейктер, психологиялық қысым мен манипуляциялар, дропперлік, құқыққа қайшы әрекеттерге тарту.
Жоба мазмұны «Адал азамат» құндылықтарын, «Заң және тәртіп» қағидаттарын және «Таза Қазақстан» бастамасын қамтиды.
